Зерттеу жұмысы декарттық жазықтықтағы 3L жазық робот манипуляторы үшін кері кинематика есебін шешуде жасанды нейрондық желілерді қолдануға бағытталған. аталмыш тәсіл бойынша жобаланған манипулятор алдағы уақытта эффектормен жабдықталып, өнім жинаушы агроробот кешенінің құрамдас бөлігіне айналмақ.
Нейрондық желіде декарттық жазықтықтағы көзделген нүктенің координаттары мен бағыты кіріс деректері ретінде қолданылады, желі өз кезегінде эффекторды қажетті нүктеге келтіру үшін буындар арасындағы сәйкес бұрыштарды есептейді. Манипулятордың қозғалыс кинематикасы нейрондық желі арқылы жоспарланады [1].
Манипуляторды нейрондық желі көмегімен басқарудың мұндай жаңа тәсілі стандартты емес жағдайлардағы позициялау қатесін азайтуға мүмкіндік береді.
түйін сөздер: кинематиканың кері және тура есебі, манипулятор, нейрондық желі, 3 буынды манипулятор, эффектор.
